नाडा अटोमोबाइल्स एसोसियसन अफ नेपालले आफ्ना सदस्यहरुलाई आफूले बिक्रि गर्ने सामानमा लेवल लगाउन आग्रह गरेको छ । भन्सार विभागले जारी गरेको सूचना अनुसार बस्तु पैठारी गरेर नेपालमा बिक्रि गर्दा अनिवार्य लेवल लगाउन नाडाले आफ्ना सदस्यहरुलाई आग्रह गरेको हो ।
भन्सार विभागले २०८० साउन १ गतेपछि पैठारी हुने तयारी मालबस्तु बजारमा पठाउँदा त्यस्ता मालबस्तुको प्याकिङ्गमा पैठारीकर्ता र बितरकको पुरा बिबरण भएको लेवल लगाउनु पर्ने ब्यवस्था गरेको थियो ।
सोही अनुसार नाडले आफ्ना सदस्यहरुलाई लेबल लगाएर मात्रै बस्तु बिक्री गर्न आग्रह गरेको हो ।
‘लेवलिङ गर्ने सबै कार्य आयातकर्ता र डिलर्सबाट नै हुने भएको हुँदा खुद्रा बिक्रेताहरुको कुनै भूमिका नहुने कुराको समेत जानकारी गराउँछौ’ नाडाका महासचिव सुरेन्द्रकुमार उप्रतीले सूचना जारी गर्दै भनेका छन् ।
