ग्लोबल सेभेन प्रालिले इटालियन ब्राण्ड इकोविटका विद्युतीय स्कुटरहरु नेपाली बजारमा ल्याएको छ । इकोविट ब्राण्डका विभिन्न ४ मोडलका स्कुटर बजारमा भित्र्याएको हो ।
त्यस्तै कम्पनीले चाडपर्वलाई लक्षित इकोविट फेस्टिवल भाइब्स स्कीम समेत लागू गरेको छ । यो स्कीम अन्तर्गत कम्पनीले इकोविट ब्राण्डका हरेक मोडेलको खरिदमा अधिकतम नगद १५ हजार रुपैयाँसम्मको छुटको व्यवस्था छ । यो योजना असोज १५ गतेदेखि मंसिर ९ गतेसम्म लागू हुने कम्पनीले जनाएको छ ।
विभिन्न ४ मोडलका स्कुटरको बारेमा
आरथ्री :- ३००० बाट क्षमताको हब मोटर जडित यो मोडेलमा ६० भोल्ट २६ एएचका डबल लिथिएम बेट्री प्याक उपलब्ध रहेको छ । जसलाई एकपटकको फुल चार्जमा करिब १३० किलोमिटरसम्म चलाउन सकिन्छ । यो स्कुटरको मूल्य डबल बेट्रीमा ३ लाख ८० हजार रुपैयाँमा राखिएको छ ।
आरथ्री प्रो :- ४००० वाट क्षमताको गियर मोटर जडित यो मोडेलमा ७२ भोल्ट ३२ एएचका डबल लिथिएम बेट्री प्याक उपलब्ध हुनेछ । जसलाई एकपटकको फुल चार्जमा करिब १८० किलोमिटरसम्म चलाउन सकिन्छ । यो स्कुटरको मूल्य डबल बेट्रीमा ५ लाख ३० हजार रुपैयाँ तथा सिंगल बेट्रीमा ४ लाख ३० हजार रुपैयाँ मूल्य राखिएको छ ।
भ्याक्स:- ३००० वाट क्षमताको मोटर जडित यो मोडेलमा ७२ भोल्ट २० एएचका लिड एसिड बेट्री प्याक उपलब्ध हुनेछ । जसलाई एकपटकको फुल चार्जमा करिब ६० किलोमिटरसम्म चलाउन सकिन्छ । यो स्कुटरको मूल्य २ लाख १ हजार रुपैयाँ राखिएको छ ।
ई रेट्रो स्टार:-२००० वाट क्षमताको मोटर जडित यो मोडेलमा ४८ भोल्ट २६ एएचका लिथिएम बेट्री प्याक उपलब्ध हुनेछ । जसलाई एकपटकको फुल चार्जमा करिब १०० किलोमिटरसम्म चलाउन सकिन्छ । यो स्कुटरको मूल्य डबल बेट्रीमा ३ लाख ३४ हजार रुपैयाँ र सिंगल बेट्रीमा २ लाख ३५ हजार रुपैयाँ मूल्य राखिएको छ ।
