नेपाल राष्ट्र बैंकले बिहीबार ६८औं वार्षिकोत्सव मनाउने भएको छ । राष्ट्र बैंकले वैशाख १४ गते बिहीबार अपरान्ह ३ बजे बैंकको केन्द्रीय कार्यालय बालुवाटारको प्राङ्गणमा वार्षिकोत्सवको अवसर पारेर विशेष कार्यक्रम गर्न लागेको हो ।
राष्ट्र बैंकले सो समारोहमा सहभागी हुन बैंकका पूर्व गभर्नरज्यूहरू, पूर्व डेपुटी गभर्नरज्यूहरू, पूर्व कार्यकारी निर्देशकज्यूहरू (अधिकृत विशिष्ट श्रेणी) तथा पूर्व निर्देशकज्यूहरू (अधिकृत प्रथम श्रेणी ) लाई निमन्त्रणा गरी सकिएको जनाएको छ।
राष्ट्र बैंक सार्वजनिक सूचना जारी गर्दै कथंकदाचित निमन्त्रणा प्राप्त हुन नसकेको भए सूचनालाई नै निमन्त्रणा मानी सो समारोहमा उपस्थित भई दिन अनुरोध गरेको छ।
