हाल संचलित २० वटा वाणिज्य बैंक मध्ये १८ वटाले माघ महिनाको लागि निक्षेपको ब्याजदर घटाएका छन् । आज सबै बैंकले माघ महिनाको लागि नयाँ ब्याजदर प्रकाशन गरेका हुन् ।
जस अनुसार १८ बैंकले ब्याजदर घटाएका छन् भने २ वटा बैंकको ब्याजदर स्थिर रहेको छ। एभरेष्ट बैंक र एनएमबि बैंकले ब्याजदर स्थिर राखेका हुन् । यी बाहेक अन्य १८ बैंकले भने ब्याजदर घटाएका छन् ।
जसमा प्राइम कमर्शियल बैंकले सबैभन्दा धेरै ब्याज घटाएको छ । बैंकले १.९ प्रतिशत बिन्दुसम्मले ब्याज घटाएको छ । १ प्रतिशत वा सो भन्दा धेरै प्रतिशत बिन्दुले ब्याज घटाउनेमा प्राइम बैंक , कृषि विकास बैंक, माछापुच्छ्रे बैंक, नेपाल एसबिआई बैंक, कुमारी बैंक, सिद्धार्थ बैंक र लक्ष्मी सनराइज बैंक रहेका छन् । सिटिजन्स बैंक र स्ट्याण्डर्ड चार्टर्ड बैंकले व्यक्तिगत मुद्दती तर्फको ब्याज मात्र घटाएका छन् ।
हेर्नुस् कुनको ब्याजदर कति ?