नेपाल बैंकर्स एसोसिएसन(एनबिए) लुम्बिनी प्रदेशको संयोजकमा एनएमबि बैंक लिमिटेडका लुम्बिनी प्रदेश प्रमुख नविन बिष्ट चयन भएका छन् । एशोसियसनको सह संयोजकमा नेपाल इन्भेस्टमेन्ट बैंक लिमिटेडका लुम्बिनी प्रदेश प्रमुख- सुमिर शम्सेर जबरा चयन भएका छन् ।
त्यस्तै एशोसियसनको सदस्य सचिवमा हिमालयन बैंक लिमिटेडका लुम्बिनी प्रदेश प्रमुख अनुसुया बस्न्यात चयन भएका छन् भने प्रदेश सदस्यहरुमा प्रभु बैंक लिमिटेडका लुम्बिनी प्रदेश प्रमुख- सुवास कुवर, नेपाल एसबिआइ बैंक लिमिटेडका लुम्बिनी प्रदेश प्रमुख- शिव दाहाल, नेपाल बैंक लिमिटेडका लुम्बिनी प्रदेश प्रमुख- सुशील कुमार नेपाल चयन भएका छन् ।
संयोजकका रुपमा चुनिएका नविन बिष्ट झन्डै डेढ दशक देखि बैँकिङ्ग क्षेत्रमा कार्यरत छन् । नवनियुक्त संयोजक बिष्टले आगामी दिनहरूमा लुम्बिनी प्रदेशमा अन्तरबैंक सम्बन्ध एवं लुम्बिनी प्रदेशमा रहेका बैंकका कर्मचारीहरु बीच दिगो सम्बन्ध स्थापित गर्ने एवं वित्तीय साक्षरता र संस्थागत सामाजिक उत्तरदायित्व अन्तरगत स्वास्थ्य तथा शिक्षा क्षेत्रसँग सम्बन्धित कार्यक्रमहरू ल्याउने जानकारी दिएका छन् ।
