नेपाल इन्फ्रास्ट्रकचर बैंक निफ्राको संचालक समितिमा रत्नराज बज्राचार्य नियुक्त भएका छन् । बैंकको वैशाख १७ गते बसेको संचालक समितिको बैठकले बज्राचार्यलाई बैंकको संचालक नियुक्त गर्ने निर्णय गरेको हो ।
निफ्रामा रिक्त रहेको संस्थापक समुह तर्फको संचालक पदमा बैंकको संस्थापक ग्लोबल आइएमई बैंक लिमिटेडका प्रतिनिधि रत्नराज बज्राचार्यलाई वैशाख १७ गते देखि लागू हुने गरी नियुक्त गर्ने निर्णय बैंकले गरेको हो । बज्राचार्य ग्लोबल आईएमई बैंकका प्रमुख कार्यकारी अधिकृत समेत हुन् ।
त्यस्तै निफ्राले बैंकका संचालक समिति सदस्य सुमन पोखरेल ( संचालक, सर्वसाधारण समुह) ले आफ्नो व्यक्तिगत कार्यव्यस्तताको कारणले संचालकको रुपमा रही जिम्मेवारी बहन गर्न असमर्थता जनाउँदै संचालक पदबाट दिएको राजिनामा वैशाख १८ गतेदेखि लागू हुनेगरी स्वीकृत गरेको छ ।
संचालकको नयाँ नियुक्ति र राजिनामा पश्चात निफ्राको संचालक समति देहाय बमोजिम कायम भएको छ ।
१. अनुज अग्रवाल (प्रतिनिधि, विशाल ग्रुप लिमिटेड), संस्थापक - अध्यक्ष
२.श्रीकृष्ण नेपाल (प्रतिनिधि, नेपाल सरकार), संस्थापक- सदस्य
३.लालमणी जोशी (प्रतिनिधि, इमर्जिङ्ग नेपाल लिमिटेड), संस्थापक- सदस्य
४.रत्नराज बज्राचार्य (प्रतिनिधि, ग्लोबल आइएमई बैंक लिमिटेड) -सदस्य
५.शंकर प्रसाद अधिकारी, स्वतन्त्र संचालक - सदस्य
६.लिमा अधिकारी आचार्य, सर्वसाधारण शेयरधनी- सदस्य
