.gif)
नेपाल उद्योग वाणिज्य महासंघका अध्यक्ष शेखर गोल्छाले अर्थतन्त्र संकटमा रहेका बेला बैंकहरुले त्यसको फाइदा उठाएको आरोप लगाएका छन् । अर्थतन्त्रमा संकट उत्पन्न हुनुलाई बैंकहरुले कमाउने अवसरका रुपमा लिँदा समस्या आएको गोल्छाको टिप्पणी छ ।
एशोसिएशन अफ चार्टर्ड एकाउण्टेन्टस (एक्यान) ले आयोजना गरेको दिगो आर्थिक विकास विषयक सम्मेलनमा अध्यक्ष गोल्छाले बैंकहरुले लिने अतिरिक्त शुल्क (प्रिमियम) नै अहिलेको मुख्य समस्या भएको उनको भनाई छ ।
उनले मौद्रिक नीति अर्थतन्त्रलाई संकुचित बनाउने तरिकाले आउँदा अर्थतन्त्र थप समस्यामा परेको आरोप पनि लगाए । राष्ट्र बैंकले नै मौद्रिक नीतिमार्फत बैंकको ब्याजदर बढाउने नीति लिँदा समस्या उत्पन्न भएको गोल्छाको भनाई छ ।
उनले औद्योगिक क्षेत्रमा अहिले ४० देखि ५० प्रतिशत ह्रास आएको पनि बताए ।
.gif)
