समस्याग्रस्त नेपाल शेयर मार्केट्स एण्ड फाइनान्स सम्हाल्ने जिम्मा रोशन अधिकारीलाई

बिजपाटी संवाददाता

बिजपाटी संवाददाता

Apr 09, 2024 | 08:41:43 PM मा प्रकाशित

laxmi  sunrise bank

नेपाल राष्ट्र बैंकले पुतलीसडकमा रहेको समस्याग्रस्त नेपाल शेयर मार्केट्स एण्ड फाइनान्स लिमिटेडको व्यवस्थापन समुहको संयोजक पदको अन्तिम नतिजा सर्वजनिक गरेको छ  । राष्ट्र बैंकले कम्पनीको व्यवस्थापन समुहको संयोजक पदमा रोशन कुमार अधिकारीलाई नियुक्त गर्ने निर्णय गरेको हो  ।

उनले २०८१ वैशाख २ गतेसम्म नियुक्ति लिन नआएमा वैकल्पिक उम्मेदवारलाई नियुक्ति दिइने राष्ट्र बैंकले जनाएको छ। वैकल्पिक उम्मेदवारमा प्रकाश घिमिरे र गोबिन्द कुमार शर्मा रहेका छन्  ।

 नेपाल राष्ट्र बैंकको छनौट समितिले सर्टलिस्टमा परेका ५ जनाबाट आज अन्तिम नतिजा सर्वजनिक गरेको हो  । प्रकाश घिमिरे, तारानाथ पाण्डे, पिताम्बर सापकोटा, रोशन कुमार अधिकारी र गोबिन्द प्रसाद शर्मा सर्ट लिस्टमा परेका थिए । उनीहरुले आफ्नो कार्ययोजना प्रस्तुतीकरण गरेपछि राष्ट्र बैंकले त्यसको आधारमा अन्तिम नतिजा सर्वजनिक गरेको हो ।

 संयोजकको कार्य अवधि एक वर्षको हुने छ भने आवश्यकता तथा कार्य प्रगतिका आधारमा ६ / ६ महिनाका लागि दुई पटकसम्म सेवा अवधि नवीकरण गर्न सकिने छ । संयोजकले मासिक रु.१,२६,३००/- पारिश्रमिक पाउने छन्  ।

  राष्ट्र बैंकले  फागुन १४ गते पहिलो पटक र चैत्र ७ गते दोस्रो पटक सूचना जारी गर्दै  समस्याग्रस्त नेपाल शेयर मार्केट्स एण्ड फाइनान्स लिमिटेडको व्यवस्थापन समुहको संयोजक पदको लागि दरखास्त आह्वान गरेको थियो । व्यवस्थापन, बैंकिङ, वित्तीय, मौद्रिक, अर्थशास्त्र, वाणिज्यशास्त्र, लेखाशास्त्र, तथ्याङ्कशास्त्र, लेखा, गणित, व्यापार प्रशासन वा कानुन विषयमा स्नातकोत्तर उपाधि हासिल गरी बैंकिङ क्षेत्रमा न्यूनतम १० वर्षको अनुभव प्राप्त गरेको बैंकिङ विज्ञले आवेदन दिन सक्ने व्यवस्था थियो।

Share Your Thoughts

Recent News


Main News

Close in 7


Bizpati.com © 2020. All Rights Reserved