आज शुक्रबार सुनको भाउ बढेको छ । बिहिबार तोलाको ९२ हजार १ सयमा कारोबार भएको छापावाला सुनको भाउ आज तोलामा ६ सय रुपैयाँले बढेर ९२ हजार ७ सय रुपैयाँ पुगेको छ ।
तेजाबी सुनको भाउ पनि तोलामा ६ सयले नै बढेर ९२ हजार २ सयमा कारोबार भईरहेको छ ।
आज चाँदीको भाउ पनि तोलामा १५ रुपैयाँले बढेर १२ सय ६० रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७९ हजार ४७५ रुपैयाँ, प्रति १० ग्राम तेजावी सुनको भाउ ७९ हजार ४५ रुपैयाँ र प्रति १० ग्राम चाँदीको भाउ १ हजार ८० रुपैयाँ कायम गरेको छ ।
