आज सोमबार सुनको भाउ बढेको छ । आइतबार तोलाको ९३ हजार ६ सय रुपैयाँमा कारोबार भएको छापावाला सुन आज तोलामा १ सय रुपैयाँले बढेर प्रतितोला ९३ हजार ७ सय रुपैयाँ पुगेको छ ।
त्यस्तै आज तेजाबी सुनको भाउ पनि तोलामा १ सय रुपैयाँले नै बढेर प्रतितोला ९३ हजार २ सय रुपैयाँमा कारोबार भईरहेको छ ।
आज चाँदीको तोलामा ५ रुपैयाँले बढेर प्रतितोला १ हजार १ सय १५ रुपैयाँमा किनबेच भईरहेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको मूल्य ८० हजार ३ सय ३५ रुपैयाँ, प्रति १० ग्राम तेजाबी सुनको मूल्य ७९ हजार ९ सय ५ रुपैयाँ र प्रति १० ग्राम चाँदीको मूल्य ९ सय ५६ रुपैयाँ कायम गरेको छ ।