स्पन्ज आइरनको निर्यातमा भारतले ५० प्रतिशतसम्म कर बढाएको छ । भारतबाट अन्य देशमा निर्यात हुने फलामको प्रशोधित कच्चा पदार्थ स्पञ्ज आइरनमा भारत सरकारले करको दरमा भारी बढोत्तरी गरेको हो ।
आफ्नो देशमा आयात गर्दाको भन्सार महशुल शून्यमा झार्दै भारत सरकारले निर्यातमा भने ५० प्रतिशत कर लगाउन सुरु गरेको हो । यसअघि स्पञ्ज आइरनको निर्यातमा ३० प्रतिशत कर लाग्दै आएको थियो ।
तर, इन्डियन स्टिल्स इन्डष्ट्रिज एशोसिएसनले स्पञ्ज आइरनको निर्यातमा कर बढाउन सुझाव दिएको थियो । उक्त सुझावका आधारमा गत शनिबार भारत सरकारले स्पञ्ज आइरनको निर्यातमा कर बढाएको हो ।
यसअघिः
साहिल अग्रवालको समूहलाई पोस्न अर्थमन्त्रीले कर्मचारी र उद्योगीलाई यसरी ढाँटे
भारतीय समाचार संस्था इकोनोमिक्स टाइम्सका अनुसार रुस र युक्रेन युद्धले अन्तराष्ट्रिय बजारमा फलाम र स्टिलजन्य बस्तुको अभाव भईरहेकाले देशमै खपत बढाएर उत्पादन वृद्धि गर्न निर्यातमा कर बढाईएको जनाएको छ ।
के पर्छ नेपालमा असर ?
नेपालमा स्पञ्ज आइरनको आयातमा भन्सार र अन्तःशुल्क छुट छ । बिजुलीको खपत बढाउन भन्दै अर्थमन्त्री जनार्दन शर्माले चालु आर्थिक वर्षको बजेटमार्फत स्पञ्ज आइरनको आयातमा भन्सार र अन्तःशुल्क छुट दिएका थिए ।
तर, अब नेपालमा स्पञ्ज आइरन ल्याएर बिलेट र फलाम उत्पादन गर्ने उद्योगहरुले ल्याउने देशमै निर्यातमा कर बढेपछि त्यस्ता नेपाली उद्योगहरु प्रभावित हुने भएका छन् ।
यो पनिः
अग्रवाल समूहलाई पोसेर ‘पैसा कुम्ल्याउदै’ अर्थमन्त्री शर्मा
हाल नेपालमा स्पञ्ज आइरन ल्याएर फलाम बनाउने ६ वटा उद्योगहरु छन् । साहिल अग्रवालको जगदम्बा स्टिल, बिष्णु न्यौपानेको सर्वोत्तम स्टिल, बिष्णु न्यौपानेको दाईको अम्बे स्टिल, यहीँ समूहका अन्य उद्योगीका अशोक, नारायणी स्टिल)ले लाखौ टन स्पञ्ज आइरन ल्याएर फलाम उत्पादन गर्दै आएका छन् ।
नेपालभित्र अरु २६ उद्योगहरु (तयारी बिलेट ल्याएर फलाम बनाउने) लाई प्रतिस्पर्धामा आउनै नसक्ने गरी ‘पोलिसी सेटिङ’ गरेका साहिल अग्रवाल लगातयको समूह भारतले नै निर्यातमा कर बढाएपछि अब रनभुल्लमा परेका छन् ।
आफूहरुलाई स्पञ्ज आइरन बिक्रि गर्ने निर्यातकर्तालाई अब निर्यातभन्दा भारतमै बिक्रि गर्दा लाभ हुने भएपछि उसले सामान दिँदैन कि भन्ने चिन्ताले साहिल अग्रवाल, विष्णु न्यौपाने लगायतका उद्योगीहरुलाई सताएको छ ।
यो पनिः
जनार्दनको प्रतिस्थापन बजेटको प्रतिफलः फलामे डण्डीको भाउमा ‘रेकर्ड ब्रेक’
