नेपाली सिमेन्टको भारतमा निर्यात सुरु भएको छ । पश्चिम नवलपरासीको पाल्पा सिमेन्ट उद्योगले निर्यात थालेको हो ।
यो उद्योगले शुक्रबार रूपन्देहीको बेलहिया (सुनौली) नाका हुँदै भारतमा सिमेन्ट पठाएको हो । उद्योगले आयोजना गरेको कार्यक्रममा सुनवल नगरपालिकाकी मेयर विमला अर्यालले सिमेन्ट बोकेर भारत जान लागेका ट्रकलाई बिदाइ गरेकी हुन् ।
उद्योगीहरुले लामो समयदेखि माग गर्दै आएको ‘निर्यात अनुदान’ यसपालीबाट सरकारले दिने भएपछि सिमेन्ट निर्यात सुरु भएको हो । सरकारले सिमेन्ट निर्यातमा ८ प्रतिशत अनुदान दिने भएको छ ।
आज ३ हजार बोरा सिमेन्ट भारत पठाईएको जनाईएको छ ।
पाल्पा सिमेन्ट उद्योगले ‘तानसेन’ ब्राण्डको सिमेन्ट उत्पादन गर्दै आएको छ ।
