देशैभरका उद्योगी व्यवसायीहरु ब्याजदर बढेको विषयलाई लिएर आन्दोलित भएपछि नेपाल उद्योग वाणिज्य महासंघ आकस्मिक बैठकमा जुटेको छ । महासंघका अध्यक्ष शेखर गोल्छा आज काठमाडौँ उत्रिएसँगै महासंघको आकस्मिक बैठक बसेको हो ।
बुधबार साँझबाट महासंघले पदाधिकारी बैठक सुरु भएको छ । बढ्दो ब्याजदर र अरु नीतिगत प्रावधानले सिथिल बनेको अर्थतन्त्रका विषयमा छलफल गर्न पदाधिकारी बैठक बसेको एक जना उपाध्यक्षले जानकारी दिए ।
राष्ट्र बैंकको नीति नै ब्याजदर बढाउने खालको भएकाले जिल्ला जिल्लाबाट उद्योगी व्यवसायीहरु सडकमा उत्रिएका छन् ।