.gif)
नेपाल स्टक एक्सचेन्ज नेप्सेमा ३ वटा वाणिज्य बैंक सहित ६ कम्पनीको शेयर मूल्य समायोजन भएको छ । गत शुक्रबार ३ वटा बाणिज्य बैंक सहित ४ वटाको र आज आइतबार एक हाइड्रो कम्पनी तथा एक लघुवित्त गरि ६ कम्पनीको शेयर मूल्य समायोजन भएको हो ।
शुक्रबार प्रभु बैंक, एभरेष्ट बैंक र नेपाल बंगलादेश बैंकको शेयर मूल्य समायोजन भएको हो । समायोजनपछि यी बैंकको शेयरमूल्य क्रमश ३४१, ६८१, र २५० रुपैयाँ कायम भएको छ । समायोजन अगाडी यी बैंकको शेयर मूल्य क्रमश ३७५, ७१५ र २६५ रहेको थियो । प्रभु बैंक, एभरेष्ट बैंक र नेपाल बंगलादेश बैंकको क्रमश १० प्रतिशत, ५ प्रतिशत र ६ प्रतिशत बोनसमा मूल्य समायोजन भएको हो ।
यी ३ बैंकले साधारणसभा प्रयोजनको लागि पुस १० गते बुक क्लोज गर्ने निर्णय गरेकोले पुस ९ गतेसम्म कायम शेयरधनीले मात्र सभामा भाग लिन तथा लाभांश पाउन सक्ने छन् । प्रभु र नेपाल बंगलादेशले पुस २६ मा र एभरेष्टले पुस २७ मा साधारणसभा आह्वान गरेका छन् ।
शुक्रबार नै आरएसडीसी लघुवित्तको ९ प्रतिशत बोनसमा मूल्य समायोजन भएको छ । समायोजन अगाडी कम्पनीको शेयर मूल्य ६३३ रहेकोमा समायोजनपछि कम्पनीको शेयर मूल्य ५८१ कायम भएको छ ।
त्यस्तै आशा लघुवित्त र सिनर्जी पावरको पनि शेयर मूल्य समायोजन भएको छ । आशाको १५ प्रतिशतमा र सिनर्जी पावरको ४.७५ प्रतिशत बोनसमा मूल्य समायोजन भएको हो । समायोजनपछि आशा र सिनर्जीको मूल्य क्रमश ८७० र २०७ कायम भएको छ । समायोजनपछि यी कम्पनीको शेयर मूल्य क्रमश १००० र २१७ थियो ।
यी कम्पनीले साधारणसभा प्रयोजनको लागि पुस १२ गते बुक क्लोज गर्ने निर्णय गरेकोले पुस ९ गतेसम्म कायम शेयरधनीले मात्र सभामा भाग लिन तथा लाभांश पाउन सक्ने छन् । आशाले पुस २५ गते र सिनर्जीले पुस २२ गते साधारणसभा आह्वान गरेका छन् ।
.gif)
