ओरियन्टल होटेल Oriental Hotel ले साधारणसभा आह्वान गरेको छ । कम्पनीले असोज १९ गते मंगलबार भर्चुअल माध्यमबाट सम्पन्न गर्ने गरि सभा आह्वान गरेको हो ।
सभामा आर्थिक वर्ष ७७/७८ को वित्तीय प्रतिवेदन पारित गर्ने, लेखापरीक्षक नियुक्त गर्ने, निजको पारिश्रमिक तय गर्ने प्रस्ताव पेश हुने छन् । त्यस्तै संस्थापक समुहबाट ४ जना, सर्बसाधारण समुहबाट २ जना र एक जना स्वतन्त्र संचालक चयन गर्ने प्रस्ताव पेश हुने छन् । कम्पनीले लाभांश भने प्रस्ताव गरेको छैन ।
कम्पनीले साधारणसभा प्रयोजनको लागि असोज ४ गतेदेखि १९ गतेसम्म बुकक्लोज गर्ने निर्णय गरेको छ । असोज ३ गतेसम्म कायम शेयरधनीले मात्र सभामा भाग लिन सक्ने छन् ।