.gif)
मुक्तिनाथ विकास बैंक Muktinath Bikas Bank Limited को पन्ध्रौं वार्षिक साधारण सभा सम्पन्न भएको छ । बैंकले मङ्सिर २५ गते शनिवार आर्थिक वर्ष ७७/७८ को साधारणसभा गरेको हो ।
साधारणसभाले लाभांश सहितका विविध प्रस्ताव पारित गरेको छ । बैंकको साधारणसभाले आर्थिक बर्ष ७७/७८ को मुनाफाबाट १७.५७५ प्रतिशत बोनस शेयर र कर प्रयोजनको लागि समेत ०.९२५ प्रतिशत नगद लाभांश गरि कुल १८.५० प्रतिशत लाभांश वितरण गर्ने प्रस्ताव गरेको हो। हाल कम्पनीको चुक्ता पुंजी ४ अर्ब ८१ करोड १५ लाख ५० हजार रहेको छ। लाभांश वितरणपछि मुक्तिनाथको चुक्तापुंजी ५ अर्ब ६५ करोड पुग्नेछ।
साधारणसभामा बैंकका प्रमुख कार्यकारी अधिकृत प्रद्युमन पोखरेलले बैंकको हालको अवस्थाको बारेमा मन्तव्य राखेका थिए । साधारण सभामा अध्यक्ष भरतराज ढकालले सञ्चालक समितिको तर्फबाट आ.व. २०७७÷०७८ को वार्षिक प्रतिवेदन प्रस्तुतगरेका थिए । उक्त प्रतिवेदन उपर सेयरधनीहरुबाट आएका जिज्ञासाहरुको सम्बन्धमा अध्यक्ष र प्रमुख कार्यकारी अधिकृतले प्रस्ट पारेका थिए।
.gif)
