.gif)
नेपाल स्टक एक्सचेन्ज नेप्सेले सुचिकृत कम्पनीहरुलाई नेप्से अनलाइन ट्रेडिङ सिस्टम (नट्स) को आइडी र पासवर्ड लिन आउँनको लागि आग्रह गरेको छ । नेप्सेको पुरानो वेबसाइट मर्मत गर्नुपर्ने भएको र नयाँ वेबसाइट संचालनमा आइसकेको हुँदा सो साइटमा सूचीकृत कम्पनीहरुको सूचना तथा विवरणहरु अपलोड गर्नका लागि लगईन आइडी र पासवर्ड लिन आउँन नेप्सेले आग्रह गरेको छ ।
लगइन आइडी र पासवर्ड लिनको लागि कम्पनीको इन्टरनेटको पब्लिक आईपी एड्रेस र आधिकारिक इमेल ठेगाना उल्लेख गरेको कम्पनीको पत्र सहित नेप्सेको सूचीकरण शाखामा १० दिन भित्र सम्पर्क गर्न नेप्सेले आग्रह गरेको छ।
यस भन्दा अघि लगइन आइडी र पासवर्ड लिन नेप्सेमा पत्र पठाएका कम्पनीहरुलाई उक्त पत्रमा उल्लेख भएको इमेलमा सूचीकरण शाखाले आईडी र पासवर्ड पठाउने नेप्सेले जनाएको छ ।
.gif)
