नेपाल स्टक एक्सचेन्ज नेप्सेमा सनराइज फर्स्ट म्युचुअल फण्डको इकाई मूल्य समायोजन भएको छ । फण्डले लाभांश बितरणको लागि आज भदौ २९ गते बुक क्लोज गर्ने निर्णय गरेकोले आज मूल्य समायोजन भएको हो ।
फण्डको १२ प्रतिशत नगद लाभांशमा मूल्य समायोजन भएको हो। समायोजनपछि फण्डको इकाई मूल्य प्रति इकाई १० रुपैयाँ ३० पैसा कायम भएको छ । समायोजन अघि फण्डको इकाई मूल्य प्रति इकाई ११ रुपैयाँ ५० पैसा थियो ।
यस योजनाले लाभांश वितरणको लागि आज भदौ २९ गते बुक क्लोज मिति तय गरेकोले भदौ २८ गतेसम्म कायम इकाईधनीले मात्र योजनाले दिने लाभांश पाउँन सक्ने छन् ।
सनराइज फर्स्ट म्युचुअल फण्ड योजनाले आर्थिक वर्ष २०७८÷०७९ का लागि ईकाइधनीहरुलाई कर सहित १२% लाभांश बितरण गर्ने घोषणा गरेको छ । सनराइज बैंकबाट प्रवद्र्धन गरिएको तथा सनराइज क्यापिटलबाट व्यवस्थापन गरिएको सनराइज म्युचुअल फण्ड अन्तर्गत सञ्चालित सनराइज फर्स्ट म्युचुअल फण्ड योजनाले आर्थिक वर्ष २०७८÷०७९ का लागि ईकाइधनीहरुलाई कर सहित १२ प्रतिशतले हुन आउने १० करोड ३२ लाख रुपैयाँ बराबरको लाभांश बितरण गर्ने घोषणा गरेको हो।
