सानिमा क्यापिटलले निष्काशन गरेको सामुहिक लगानी कोष योजनाको इकाईमा आवेदन दिने म्याद थप भएको छ । पर्याप्त आवेदन नपरेपछि आवेदन दिने म्याद थप भएको हो ।
यस निष्कासनमा छिटोमा छिटोमा कार्तिक २० गते सम्म आवेदन दिन सकिने क्यापिटलले जनाएको थियो । तर पर्याप्त आवेदन नपरेपछि अब म्याद थप गरि क्यापिटलले कार्तिक ३० गतेसम्म आवेदन दिन सकिने ब्यबस्था गरेको छ । सो समय अगावै पर्याप्त आवेदन परेमा सार्वजनिक सुचना जारी गरेर सो अगावै आवेदन बन्द गर्ने क्यापिटलले जनाएको छ ।
क्यापिटलले कार्तिक १६ गतेबाट सानिमा ग्रोथ फण्ड नामक सामुहिक लगानी कोष योजनाको इकाईहरु बिक्रि खुला गरेको हो । क्यापिटलले सानिमा म्युचुअल फण्ड अन्तर्गत संचालन हुने सानिमा ग्रोथ फण्ड नामाक बन्दमुखी म्युचुअल फण्ड योजनाको इकाई निष्काशन गरेको हो ।
यस योजनाको आकार १ अर्ब २० करोड रहेको छ । क्यापिटल प्रति इकाई १० रुपैयाँको दरले फण्डको १२ करोड इकाई निष्काशन गर्न लागेको हो । जस मध्ये १ करोड ५६ लाख इकाई कोष प्रबर्दक सानिमा बैंकलाई छुट्याईएको छ । त्यस्तै २४ लाख इकाई सानिमा क्यापिटललाई छुट्याईएको छ । बाँकि रहेको १० करोड २० लाख इकाईको लागि सर्वसाधारणले आवेदन दिन सक्ने छन् ।
आवेदन दिंदा न्युनतम १०० कित्ता र अधिकतम पुरै कित्ताको १ करोड २० लाख कित्ताको लागि दिन सकिने छ । यस म्युचुअल फण्डको अवधि ११ वर्ष रहेको छ ।
सानिमा क्यापिटलले हाल सानिमा इक्विटी फण्ड र सानिमा लार्ज क्याप फण्ड संचालन गरिरहेको छ ।