.gif)
सानिमा क्यापिटलले निष्काशन गरेको सामुहिक लगानी कोष योजनाको इकाई बाँडफाँड भएको छ । क्यापिटलले कार्तिक १६ गतेबाट सानिमा ग्रोथ फण्ड नामक सामुहिक लगानी कोष योजनाको इकाई निष्काशन गरेकोमा मङ्सिर ११ गते आईतबार इकाई बाँडफाँड गरेको जनाएको छ ।
क्यापिटलले माग बमोजिम नै हुने गरि इकाई बाँडफाँड गरिएको र बाँडफाँडको नतिजा क्यापिटलको वेबसाइटमा तथा मेरोशेयर मार्फत हेर्न सकिने उल्लेख गरेको छ ।
यस योजनाको आकार १ अर्ब २० करोड रहेको छ । क्यापिटल प्रति इकाई १० रुपैयाँको दरले फण्डको १२ करोड इकाई निष्काशन गरेको हो । जस मध्ये १ करोड ५६ लाख इकाई कोष प्रबर्दक सानिमा बैंकलाई छुट्याईएको थियो । त्यस्तै २४ लाख इकाई सानिमा क्यापिटललाई छुट्याईएको थियो । बाँकि रहेको १० करोड २० लाख इकाईको लागि सर्वसाधारणले आवेदन दिन सक्ने ब्यबस्था थियो।
सानिमा क्यापिटलले हाल सानिमा इक्विटी फण्ड र सानिमा लार्ज क्याप फण्ड संचालन गरिरहेको छ ।
.gif)
