तेह्रथुम पावर लिमिटेडले साधारणसभा आह्वान गरेको छ । कम्पनीले पुस १० गते आइतबार होटेल हार्दिक बागबजारमा सभा आह्वान गरेको हो ।
कम्पनीले साधारणसभा प्रयोजनको लागि मङ्सिर २५ देखि पुस १० गतेसम्म बुक क्लोज गर्ने निर्णय गरेको छ । मङ्सिर २४ गतेसम्म कायम शेयरधनीले साधारणसभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्ताव:
१) आ.व. २०७८/७९ को सञ्चालक समितिको प्रतिवेदन पारित गर्ने सम्बन्धमा ।
२) लेखा परिक्षण प्रतिवेदन सहितको आषाढ ३२, २०७९ को वासलात, नाफा नोक्सान हिसाब तथा नगद प्रवाह विवरण लगायत वित्तिय विवरणहरु छलफल गरि स्वीकृत गर्ने सम्बन्धमा ।
३) कम्पनी ऐन, २०६३ को दफा १११ अनुसार आ.व. २०७९/८० का लागि बाह्य लेखापरीक्षकको नियुक्ती गर्ने तथा निजको पारिश्रमिक निर्धारण गर्ने सम्बन्धमा ।
४) कम्पनी ऐनको दफा ७८ बमोजिमको विवरण सम्बन्धमा ।
५) सञ्चालक समितिको निर्वाचन सम्बन्धमा ।
६) सञ्चालक समितिको निर्वाचनका लागी निर्वाचन अधिकृतको चयन सम्बन्धमा ।
७) उपरोक्त प्रस्तावहरु स्वीकृती एवम् अभिलेखको लागि पेश गर्दा नियमनकारी निकाय वा कार्यालयबाट कुनैपनि बिषयमा संशोधन, परिवर्तन तथा कुनै पनि किसिमको निर्देशन वा कैफियत प्राप्त भएमा सो समेत मिलाई संशोधन वा परिवर्तन गर्ने लगायतका आवश्यक सम्पूर्ण कार्य गर्न सञ्चालक समितिलाई पूर्ण अख्तियारी प्रदान गर्ने बारे ।
८) विविध
