.gif)
शुभम पावर लिमिटेडले आज पुस ६ गतेदेखि श्रम स्वीकृति लिई विदेशमा कार्यरत नेपाली श्रमिकलाई आईपिओ बिक्रि खुला गरेको छ। कम्पनीले विदेशमा रहेका नेपाली श्रमिकलाई ५८ हजार ५८ कित्ता शेयर निष्काशन गरेको हो ।
यस निष्काशनमा नेपालका बैंक त्तहा वित्तीय संस्थामा रेमिटेन्स बचत खाता भएका नेपालीले मात्र आवेदन दिन सक्ने छन् । आवेदन दिनको लागि योग्य हुन् श्रम स्वीकृति लिई विदेशमा कार्यरत रहेको नेपाली श्रमिक हुनु पर्ने छ।
श्रम स्वीकृति लिई विदेशमा कार्यरत नेपाली श्रमिकलाई छुट्याईएको शेयरमा पुस २० गतेसम्म मात्र आवेदन दिन सकिने छ। आवेदन दिंदा न्युनतम १० कित्ता र अधिकतम ५ हजार कित्ताको लागि आवेदन दिन सकिने छ। शेयर निष्काशनको लागि मुक्तिनाथ क्यापिटल बिक्रि प्रबन्धक रहेको छ ।
कम्पनीले आयोजना प्रभावित स्थानीयलाई ४ वर्ष अगाडी नै आईपिओ निष्काशन गरिसकेको छ। श्रम स्वीकृति लिई विदेशमा कार्यरत नेपाली श्रमिकलाई निष्काशन गरेको आईपिओ बाँडफाँड भए पछि कम्पनीले सर्बसाधारणलाई आईपिओ निष्काशन गर्ने छ ।
कम्पनीले संखुवासभामा ९९० किलोवाटको तल्लो पिलुवा खोला जलविद्युत आयोजना निर्माण सम्पन्न गरि २०६८ साउन १ गतेबाट विद्युत उत्पादन गरिरहेको छ ।
.gif)
