नेपाल क्लियरिङ्ग हाउसले साधारणसभा आह्वान गरेको छ। कम्पनीले पुस २८ गते होटेल क्राउन इम्पेरीयलमा साधारणसभा आह्वान गरेको हो।
साधारणसभामा लाभांश सहित विविध प्रस्ताव पेश हुने छ। कम्पनीले आर्थिक वर्ष ७८/७९ को मुनाफाबाट ३८ प्रतिशत बोनस शेयर र २ प्रतिशत नगद गरि कुल ४० प्रतिशत लाभांश प्रस्ताव गरेको छ । कम्पनीको साधारणसभाले पारित गरेपछि उक्त लाभांश लगानीकर्तामा बितरण हुने छ । कम्पनीको लगानीकर्ताको रुपमा राष्ट्र बैंक र अन्य बैंक तथा वित्तीय संस्था छन् । यस कम्पनीमा नेपाल राष्ट्र बैंकको १०% र बैंक तथा वित्तीय संस्थाहरुको ९०% स्वामित्व रहेको छ ।
यस्ता छन् कम्पनीको सभामा पेश हुने प्रस्ताव ;
साधारण प्रस्ताव:
१. सञ्चालक समितिको आ.व. २०७८ / ७९ को प्रतिवेदन पारित गर्ने ।
२. लेखा परीक्षण प्रतिवेदन सहितको २०७९ आषाढ मसान्त सम्मको वासलात तथा सोही मितिमा समाप्त आ.व. २०७८ / ७९ को नाफा नोक्सान हिसाब तथा नगद प्रवाह विवरण स्वीकृत गर्ने ।
३. सञ्चालक समितिले प्रस्ताव गरे बमोजिम २ प्रतिशत नगद लाभांश (रु.१,१३,५३,२७२) बोनस शेयरको कर प्रयोजनको लागि स्वीकृत गर्ने।
४. आ.व. २०७९/८० को लागि लेखा परीक्षकको नियुक्ति तथा निजको पारिश्रमिक निर्धारण गर्ने ।
विशेष प्रस्ताव:
१. सञ्चालक समितिले प्रस्ताव गरे बमोजिम ३८ प्रतिशत बोनस शेयर ( दशमलबलाई राउन्ड गर्दा हुन आउने २१,५७,१२२ कित्ता ) स्वीकृत गर्ने तथा सोही बमोजिम चुक्ता पूँजी वृद्धि गर्न प्रबन्धपत्रको संशोधन स्वीकृत गर्ने ।
२. प्रस्तावित संशोधनमा नियमनकारी निकायहरुबाट कुनै फेरबदल वा सुझाव आएमा आवश्यक फेरबदल गर्न कम्पनीको सञ्चालक समिति वा सञ्चालक समितिले तोकेको कुनै पदाधिकारीलाई अधिकार प्रत्यायोजन गर्ने अख्तियारी दिने ।
