.gif)
बिपिडब्लु लघुवित्त वित्तीय संस्थाले वैदेशिक रोजगारीमा रहेका नेपाली श्रमिकलाई निष्काशन गरेको आईपिओमा आवेदन दिने आज फागुन ८ गते अन्तिम दिन रहेको छ । कम्पनीले माघ २२ गतेदेखि वैदेशीक रोजगारीमा रहेका नेपाली श्रमिकलाई ९ हजार ७ सय कित्ता शेयर निष्काशन गरेको हो । आवेदन दिंदा न्यूनतम १० कित्ता र अधिकतम १०० कित्ता शेयर निष्काशन गर्न लागेको हो ।
नेपाल श्रमिकलाई निष्काशन गरिएको शेयर बाँडफाँड गरेपछि कम्पनीले आम सर्बसाधारणलाई फागुन १८ गतेदेखि आईपिओ निष्काशन गर्ने छ । यस निष्काशनमा फागुन २३ गतेसम्म आवेदन दिन सकिने छ ।
त्यस्तै १५ सय कित्ता कम्पनीको कर्मचारीको लागि छुट्याईएको छ । ४ हजार ८ सय ५० कित्ता सामुहिक लगानी कोषहरुलाई छुट्याईएको छ । बाँकि रहेको ८० हजार ९ सय ५० कित्ता शेयरको लागि फागुन १८ देखि आम सर्बसाधारणले आवेदन दिन सक्ने छन् । यसरी कम्पनीले कुल ९७ लाख रुपैयाँ बराबरको ९७ हजार कित्ता शेयर निष्काशन गर्न लागेको हो ।.
नेपाल धितोपत्र बोर्डले पुस ४ गते कम्पनीलाई आईपिओ निष्काशनको लागि अनुमति प्रदान गरेको हो । हाल कम्पनीको जारी पुँजी ३ करोड रहेकोले कम्पनीले आईपिओ निष्काशन गरेपछि कम्पनीको चुक्ता पुँजी ३ करोड पुग्ने छ । लघुवित्तले सामुदायिक लघुवित्तसँग मर्जरको लागि सम्झौता गरिसकेको छ । आईपिओ निष्काशन गर्ने मर्जर प्रक्रियामा जाने तयारी कम्पनीले गरेको हो ।
कम्पनीले आईपिओ निष्काशनको लागि मेगा क्यापिटललाई बिक्रि प्रबन्धक तोकेको छ ।. कम्पनीको केन्द्रिय कार्यालय काभ्रेको बनेपामा रहेको छ ।
