नेपाल स्टक एक्सचेन्जको अध्यक्ष पद रिक्त भएको छ । मन्त्रिपरिषद्को बैठकले अर्थ मन्त्रालयका सहसचिव चक्र बहादुर बुढाको सरुवा गरिदिएपछि नेप्सेमा अध्यक्ष पद रिक्त भएको हो ।
चक्रबहादुर बुढा अर्थ मन्त्रालयमा सहसचिव थिए । अर्थ मन्त्रालयले उनलाई नेप्सेको अध्यक्षको पनि जिम्मेवारी दिएको थियो ।
तर गत मंगलबार बसेको मन्त्रिपरिषद्को बैठकले उनलाई संस्कृति, पर्यटन तथा नागरिक उड्डयन मन्त्रालयमा सरुवा गरेको छ । उनको सरुवा भएसंगै नेप्सेमा अध्यक्ष पद रिक्त भएको हो । यस संगै अब अर्थ मन्त्रालयले नेप्सेको अध्यक्षमा अर्को व्यक्ति पठाउने छ ।
नेप्सेमा अर्थ मन्त्रालयको सबै भन्दा धेरै अर्थात् ५८.६६ प्रतिशत शेयर लगानी रहेको छ ।