दोर्दी खोला जलविद्युत कम्पनी लिमिटेड र राप्ती हाइड्रो एण्ड जनरल कन्स्ट्रक्सन लिमिटेडले हकप्रद निष्काशन गर्ने भएका छन् । दोर्दी खोलाको भदौ २८ गते र राप्ती हाइड्रोको भदौ २९ गते बसेको संचालक समितिको बैठकले हकप्रद निष्काशन गर्ने निर्णय गरेको हो ।
दुवै कम्पनीले १:१ को अनुपातमा शतप्रतिशत हकप्रद निष्काशन गर्ने प्रस्ताव गरेका हुन् । जस अनुसार दोर्दी खोलाले १ करोड ५ लाख ४२ हजार ६ सय ४ कित्ता र राप्ती हाइड्रोले ६१ लाख २७ हजार ९ सय ३८ कित्ता शेयर निष्काशन गर्ने प्रस्ताव गरेका छन् ।
विद्युत नियमन आयोगले स्वीकृति दिएपछि, कम्पनीको साधारणसभाले पारित गरेपछि र नेपाल धितोपत्र बोर्डले अनुमति दिएपछि यी कम्पनीले हकप्रद निष्काशन गर्ने छन् ।