युनाईटेड मोदी हाइड्रोपावर लिमिटेडले विद्युत नियमन आयोगबाट हकप्रद निष्काशनको लागि पूर्व स्वीकृति पाएको छ । आयोगले माघ २२ गते कम्पनीलाई हकप्रद निष्काशन समबन्धि प्रस्ताव कम्पनीको साधारणसभामा पेश गर्न स्वीकृति दिएको हो ।
कम्पनीको मङ्सिर १३ गते बुधबार बसेको संचालक समितिको बैठकले १:१ को अनुपातमा शतप्रतिशत हकप्रद निष्काशन गर्ने प्रस्ताव गरेको थियो । कम्पनीले आफ्नो उद्देश्य बमोजिम जलविद्युत आयोजनामा लगानी गर्न कम्पनीको हाल कायम चुक्ता पुँजीको १:१ अनुपातमा शतप्रतिशत हकप्रद शेयर जारी गर्ने निर्णय गरेको हो ।
अब कम्पनीको आगामी साधारण सभाले पारित गरेपछि र नेपाल धितोपत्र बोर्डले अनुमति दिएपछि कम्पनीले हकप्रद निष्काशन गर्ने छ।