नेकपा एमालेका अध्यक्ष केपी शर्मा ओली आयोजकसंग रुष्ट बनेर कार्यक्रमलाई सम्बोधन नै नगरी फर्केका छन् । स्याङ्जाको वालिङ महोत्सबमा आयोजित कार्यक्रममा ओली बोल्दै गर्दा रिसाएर हिडेका हुन् ।
आज देखि सुरु भएको महोत्सवमा प्रमुख अतिथिका रुपमा स्वागत मन्तब्य राख्न ओली त्यहाँ पुगेका थिए । तर उनी बोल्दै गर्दा बत्ति नै काटियो । बत्ति काटिएपछि जेनरेटरबाट बत्ति सुचारु गरेपनि केहि समय मै डिजेल नभएको भन्दै त्यो लाइन पनि काटिएपछि ओली रिसाएर हात हल्लाउँदै मन्चबाट बाहिरिएका हुन् ।
त्यहाँ रहेका एक जना प्रत्यक्षदर्शीले भने ' वालिङमा कहिले पनि बत्ति जादैन थियो, तर ओली बोल्दै गर्दा कसैले बत्ति नै काटिदिएका रहेछन ' । अहिले त्यहाँ सत्तारुढ दलका नेता तथा कार्यक्रताले बत्ति काटिदिएको भन्दै एमाले कार्यक्रताहरुले प्रदर्शन गरेका थिए ।
ओली प्रमुख अतिथि बनेर पुगेको काँग्रेसको बाहुल्यता रहेको उक्त क्षेत्रमा कांग्रेसले चुनाब जितेको थियो। अहिले कार्यक्रम स्थल शान्त भएको छ ।