अख्तियार दुरुपयोग अनुसन्धान आयोगको टोलीले मालपोत कार्यालय भक्तपुरका नायव सुब्बा ,कार्यालय साहयक र एक लेखा ब्यवसायीलाई घुस रकम सहित नियन्त्रणमा लिएको छ। टोलीले मालपोत कार्यालय भक्तपुरका नायव सुब्बा ऋषी राम बुढाथोकी,कार्यालय साहयक केशव खत्री र लेखा ब्यवसायी बिष्णु निसुतुलाई घुस रकम सहित नियन्त्रणमा लिईएको जनाएको हो ।
१३ रोपनी गुठीको जग्गा व्यक्तिको नाममा नामसारी गर्ने प्रायोजनका उनीहरुले घुस लिएको खुल्न आएको अख्तियारले जनाएको छ । टोलीले निजहरु नायब सुब्बा ऋषी राम बुढाथोकीलाई तीन लाख घुस बापतको रकम र श्रोत नखुलेको एक लाख चार हजार पाँच सय, कार्यालय साहयक केशव खत्रीलाई एक लाख घुस वापतको रकम र श्रोत नखुलेको उनानतीस हजार पाँच सय र मतियारको भूमिका निर्वाह गर्ने लेखा व्यवसायी बिष्णु निसुतुलाई श्रोत नखुलेको एक लाख) रकम सहित भक्तपुर स्थित सूबर्ण भोजनालयबाट नियन्त्रणमा लिएको अक्तियारले जनाएको छ ।