केन्द्रले टिकट नदिएपछि राजिव गुरुङ उर्फ दीपक मनाङ्गेले बागी उम्मेदवारी दर्ता गराएका छन् । मनाङ्गेले प्रदेशसभाका लागि मनाङ खबाट स्वतन्त्र उमेदवारी दर्ता गराएका हुन् ।
मनाङको प्रदेशसभा क्षेत्र नम्बर ख बाट प्रत्यक्ष उम्मेदवारका लागि जिल्लाबाट सर्वसम्मत सिफारिस भएका मनाङेलाई एमाले स्थायी कमिटीले टिकट नदिने निर्णय गरेको हो। सञ्चारमाध्यम र सामाजिक सञ्जालमार्फत देशब्यापी रुपमा आलोचना भएपछि मनाङेलाई प्रदेशसभा सदस्यको उम्मेदवार बनाउनबाट एमाले पछि हटेको हो ।
मनाङ्गेको ठाउँमा एमालेले जिल्लास्तरकी महिला कार्यकर्ता खण्डा लामा गुरुङलाई उम्मेदवार बनाएको छ । उनी दिपक मनाङेसँगै राप्रपाबाट एमाले प्रवेश गरेकी थिइन् ।
