मेक्सिकोको भोलारिस नाम गरेको विमान कम्पनीले मध्य अमेरिकी आप्रवासीलाई घर फर्कन एक अमेरिकी डलरमै हवाई यात्राको अवसर दिने घोषणा गरेको छ ।
कम्पनीले जारी गरेको विज्ञप्तिमा प्रर्बधनात्मक योजना बमोजिम यो सेवा उपलब्ध गराएको हो । स्वेच्छिक रुपमा घर फर्कन चाहने आप्रवासीलाई यो सुविधा उपलब्ध हुने कम्पनीको जनाएको छ ।
यो सुविधा आगामी जुन ३० तारिखसम्म आप्रवासिहरुले लिन सक्नेछन् । यो सेवा लिन चाहनेले मेक्सिकोका तिजुआना, सिउड्याड जुआरेज, गुइडालाजारा र मेक्सिको सिटी विमानस्थलमा सम्पर्क गर्नुपर्नेछ ।
कोस्टारिका, एल साल्भाडोर र ग्वाटेमालाका नागरिकहरुले यो सेवा लिन सक्नेछन् । भोलारिस विमानको यस्तो सेवाले बेलाबेलामा आप्रवासीका लागि सुविधाजनक यात्राको अवसर जुटाउने गरेको छ ।