फाइनल चरण प्रवेश गर्ने सम्भावना गुमाईसकेको नेपालले प्रतिष्ठा समेत बचाउन असफल भएको छ। किर्गिस्तानमा जारि एएफसी अन्डर नाइन्टिन छनोट च्याम्पियनसिप फुटबलको तेस्रो खेल अन्तर्गत नेपालले पेनाल्टीको सदुपयोग गर्न नसक्दा युएईसंग १-० ले पराजित भएको छ।
युएईसंगको पराजयसंगै नेपाल समुहचरणबाटै बाहिरिएको छ। प्रतियोगितामा नेपालको यो लगातार तेस्रो हार हो। खेलको पहिलो हाफमा सन्तोषजनक प्रदशन गरेको नेपालका लागि खेलको ७२ औ मिनेट अशुभ बन्यो।
खेलको ७२ औं मिनेटमा नेपालका गोलकिपरको 'गल्ति' को फाइदा उठाउदै युएईका खेलाडीले बललाई गोलमा परिणत गरे। १ गोलले पछाडी परेको नेपालले खेलको ८२ औं मिनेटमा खेलमा फर्किने अवसर पाएपनि पेनाल्टी 'मिस्टेक' गर्दा अन्तन्त: १-० ले पराजित भयो।
समूह ए मा रहेको नेपाल यसअघि खेलेका दुवै खेलमा पराजय बहोर्दै फाइनल चरण प्रवेश गर्ने सम्भावनाबाट बाहिरी सकेको थियो। नेपालले यसअघि कीर्गिस्तानसँग २-० को तथा बहराइनसँग ४-० को हार बेहोरेको थियो ।
समूहको अन्तिम खेलमा नेपालले बुधबार ओमानसँग खेल्नेछ । समूहको शीर्ष स्थानमा रहने टोली तथा उपविजेतामध्येका उत्कृष्ट पाँच टिमले फाइनल चरणमा प्रवेश पाउने छन् ।
नेपाल र युएई बीचको खेल जारी, प्रतिष्ठाकाका लागि जित्ने पर्ने दबाबमा नेपाल (लाइभ)