भुटानलाई ५–० को फराकिलो गोल अन्तरले पराजित गर्दै नेपाल पाँचौं संस्करणको साफ यू–१५ फुटबल च्याम्पियनसिपको फाइनल नजिक पुगेको छ । भारतको पश्चिम बंगालस्थित कल्याणी रंगशालामा बिहिबार भएको राउण्ड रोबिन लिगको अन्तिम खेलमा नेपालले भुटानलाई पराजित गर्दै नेपाल फाइनल नजिक पुगेको हो ।
नेपालको जितमा प्रदीप लम्सालले दुई तथा अशिम राई, क्रिस सापकोटा र निराजन खत्रीले १/१ गोल गरे ।
नेपाललाई फाइनल प्रवेशका लागि भारत र बंगलादेशबीचको खेल कुर्नुपर्ने भएको छ । भारतले बंगलादेशलाई पराजित गरेमा फाइनलमा भारत र नेपाल भिड्नेछन् । तर बंगलादेशले भारतलाई पराजित गर्दै गोलअन्तरमा नेपाललाई पनि पराजित गर्न सके फाइनलमा पनि भारत र बंगलादेश नै भिड्नेछन् । यी दुई देशबचको खेल पनि आजै हुँदैछ ।
नेपाल आफ्नो पहिलो खेलमा भारतसँग ५–० ले पराजित भएको थियो ।