.gif)
नेपाली राष्ट्रिय टिमका युवा ओपनर कुशल भुर्तेलको शतक र दीपेन्द्रसिंह ऐरीको उत्कृष्ट अर्धशतकीय सहयोगमा नेपालले आइसिसी टि–२० विश्वकप ग्लोबल छनोट ए मा फिलिपिन्सलाई २१९ रनको विशाल विजयी लक्ष्य दिएको छ ।
ओमान क्रिकेट एकेडेमी ग्राउन्ड–२ मा टस हारेर ब्याटिङ गरेको नेपालले निर्धारित २० ओभरमा ३ विकेट गुमाउँदै २१८ रन बनायो । ओपनर कुशल भुर्तेल ६१ बलमा १३ चौका र १ छक्कासहित १०४ रनको अविजित शतकीय इनिङ खेले । कुशलले ५७ बलमा आफ्नो पहिलो अन्तराष्ट्रिय शतक प्रहार गरेका गरेका थिए । कुशल नेपालबाट टि–२० आईमा शतक प्रहार गर्ने तेस्रो खेलाडी बनेका छन् ।
दीपेन्द्रसिंह ऐरी ४७ बलमा ६ चौका र ४ छक्का सहित ८३ रनमा आउट भए ।
तेस्रो विकेटका लागि कुशल र दीपेन्द्रले १७१ रनको शतकीय साझेदारी गरे । जुन नेपाली टि–२० आईमा भएको उच्च साझेदारी हो ।
ओपनर आसिफ शेख दोस्रो ओभरको पहिलो बलमै एलबीडब्लू आउट हुए ।
कुशल मल्ल १० बलमा २ चौकासहित १२ रनमा आउट भए । पाँचौं ओभरको दोस्रो बलमा कुशल मल्ललाई मिग्गी पोडोस्कीले मुजाममी शहजादबाट क्याच गराएका थिए ।
लोकेश बम ६ रनमा अविजित रहे ।
.gif)
