मेलम्ची र इन्द्रावती नदीमा आएको बाढीपछिको व्यवस्थापनका लागि इन्द्रावती मेलम्ची क्षेत्र प्राकृति विपद् व्यवस्थापन मूल मारोह समिति गठन भएको छ ।
प्रतिनिधिसभाका सभामुख अग्निप्रसाद सापकोटाको उपस्थितिमा भएको सर्वपक्षीय छलफलपछि पीडितलाई राहत वितरणका लागि जिसस प्रमुख कृष्णगोपाल तामाङको संयोजकत्वमा ‘इन्द्रावती मेलम्ची क्षेत्र प्राकृतिक विपद् व्यवस्थापन मूल समिति’ गठन भएको हो ।
समितिले बाढी पीडितका लागि प्राप्त भएका र आगामी दिनमा प्राप्त हुने सबैखाले राहत सामग्री एकद्वार प्रणालीबाट वितरण गर्ने निर्णय गरेको जनाइएको छ ।
बाढीबाट विस्थापितहरुलाई तत्काल राहतका लागि सापकोटाको पहलमा उपलब्ध भएका खाद्यान लगायतका राहत सामग्री बुधबार समितिलाई हस्तारन्तरण गरिएको जनाइएको छ ।