प्रभु बैंक लिमिटेडले कैलाली जिल्लाको बौनिया तथा पांचथर जिल्लाको फिदिममा २ वटा शाखाहरु सञ्चालनमा ल्याएको छ । बैंकले आज कार्तिक १० गते शुक्रबार दुवै शाखा संचालनमा ल्याएको हो । उक्त शाखाहरुको उदघाटन क्रमश नेपाल राष्ट बैंक धनगढी क्षेत्रका मुख्य व्यवस्थापक धनन्जय शर्मा तथा फिदिम नगरपालिकाका नगर प्रमुख ओनाहाग नेम्वाडले गरेका हुन् । उक्त कार्यक्रममा स्थानिय कार्यालय प्रमुखहरु तथा व्यापारी एवं उद्योगीहरुको उपस्थिति रहेको थियो ।
कार्यक्रममा बोल्दै प्रमुख अतिथिहरुले बैंकिड. संस्थाहरुको आगमन संगै स्थानिय स्तरका सम्भावना रहेका विभिन्न क्षेत्रहरुको बिकासमा प्रत्यक्ष फाईदा पुग्ने बिश्वास व्यक्त गरेका थिए । बैंकले असोज मसान्त सम्म रु. ८३ अर्व निक्षेप संकलन गरि रु. ६३ अर्व बराबर रकमलगानी गरेको तथ्य उक्तकार्यक्रममा प्रस्तुत गरिएको थियो । देशका ५६ जिल्लामा आफना १४० वटा शाखाहरु मार्फत सेवा पुरयाई रहेको बैंकले निकट भविष्यमै अन्य केही शाखाहरु खोल्ने जनाएको छ।