एनआई सी एशिया बैंकले मोरङ्गको पथरीमा नयाँ शाखाको स्थापना गरेको छ । बैंकले पथरी शनिश्चरे नगरपालिका १, जनआन्दोलनचौक, पथरीमा आज कार्तिक १५ गतेबाट नयाँ शाखा संचालनमा ल्याएको हो । पथरी शनिश्चरे नगरपालिकाका मेयर दिलिपकुमार राईले शाखाको उद्घाटन गरेका हुन ।
शाखा सञ्जाल, पूँजी संरचना, वासलातको आकार, ग्राहक संख्याहरुको आधारमा एनआई सी एशिया बैंक निजी क्षेत्रको अग्रणी बैंकहरु मध्ये एक हो । पथरी शाखाको समुद्घाटनसँगै हाल यस बैंकले अधिराज्यभर १३३ शाखाकार्यालयहरु र १४१ एटिएम काउन्टरबाट ग्राहकमा सेवा प्रदान गर्दै आईरहेको छ ।
बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा संचालन गर्ने योजना रहेको बताएको छ ।
