एनआई सी एशिया बैंकको २ नयाँ शाखाहरु संचालनमा ल्याएको छ । बैंकले कैलालीको जोशीपुर गाउँपालिकावडा नं. ०२, र जाजरकोटको भेरी नगरपालिका वडा नं ०४, मा कार्तिक २१गते देखि नयाँ शाखा संचालनमा ल्याएको हो ।
जोशीपुर गाउँपालिकाका कार्यकारी अधिकृत नारायण बहादुर बिष्ट तथा अध्यक्ष राम कृष्ण चौधरीले संयुक्त रुपमा जोशीपुर शाखाको र त्यसैगरी भेरी नगरपालिकाका मेयर चन्द्र प्रकाश घर्तिले जाजरकोट शाखाको उद्घाटन गरेका हुन् ।
शाखा सञ्जाल, पूँजी संरचना, वासलातको आकार, ग्राहक संख्याहरुको आधारमा एनआई सी एशिया बैंक निजी क्षेत्रको अग्रणी बैंकहरु मध्ये एक हो । बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा संचालन गर्ने योजना अगाडि सारेको छ ।