नबिल इन्भेष्टमेण्ट बैंकिङ्ग लिमिटेडको प्रमुख कार्यकरी अधिकृतमा सबिर बादे श्रेष्ठ नियुक्त भएका छन। कम्पनिको ६८ औं संचालक समितिको बैठकले श्रेष्ठलाई प्रमुख कार्यकारी पदमा नियुक्त गरेको हो।
लन्डनबाट एसीसीए र काठमान्डू बिश्वबिद्यालयबाट ईएमबिए गरेका श्रेष्ठ बिगत २ बर्षदेखि नबिल इन्भेष्टमेण्ट बैंकिङ्गमा प्रमुख–ईन्भेष्टमेन्ट बैंकिङ्गको जिम्मेवारीमा थिए।
श्रेष्ठसंग लन्डनमा अवस्थित विश्वकै पाँचौं ठुलो अडिट फर्म बिडीयो इन्टनेशनल लिमिटेडमा ट्याक्स फाइनान्स र अडिटमा रहेर काम गरेको अनुभव छ। नबिल आउनु अगाडी श्रेष्ठले लक्ष्मी क्यापिटलमा तीन बर्ष सिनियर म्युचुअल फन्ड म्यानेजरको रुपमा समेत काम गरेका थिए।
