एनआईसी एशिया बैंक लिमिटेड र युनियन लाईफ इन्स्योरेन्स कम्पनी लिमिटेडबीच बैंकास्योरेन्स सम्झौता भएको छ । सम्झौता अनुसार अब एनआईसी ग्राहकले बैंकका सबै २३३ वटै शाखाहरुबाट युनियन लाईफ इन्स्योरेन्सको बिमा पोलिसीहरु खरिद गर्न सक्नेछन् ।
सम्झौतापत्रमा बैंकको तर्फबाट का.मु.प्रमुख कार्यकारी अधिकृत रोशनकुमार न्यौपाने र इन्स्योरेन्स कम्पनीको तर्फबाट प्रमुख कार्यकारी अधिकृत मनोज कुमार लाल कर्णले हस्ताक्षर गरे ।
एनआईसी एशियाले हाल २३३ शाखा, २२२ एटिएम, १४ एक्सटेन्सन काउण्टर र १५ वटा शाखारहित बैंकिङ्ग ईकाई मार्फत सेवा प्रदान गर्दै आएको छ ।