माछापुच्छ्रे बैंक लिमिटेडले संस्थागत सामाजिक उत्तरदायित्व अन्तर्गत एम्बुलेन्स हस्तान्तरण गरेको छ । बैंक एवं भोजपुर कोट सेवा समाज र कोट वासीहरुको सक्रियतामा खरिद गरिएको एम्बुलेन्स स्थानीयलाई हस्तान्तरण गरेको हो।
बैंकका तर्फबाट सञ्चालकद्वय जय मुकुन्द खनाल र राम मान श्रेष्ठले भोजपुर कोट सेवा समाजका अध्यक्ष राज बहादुर राई र टेम्केमैयुङ गाउँँपालिका वडा नं. ७ का वडाध्यक्ष उद्धव कुमार राईलाई एम्बुलेन्सको चाँबी हस्तान्तरण गरेका हुन् । कार्यक्रमा एम्बुलेन्स खरिद गर्न आर्थिक सहायता गर्ने स्थानीयहरुलाई समेत कदरपत्र तथा खादाद्वारा सम्मान गरिएको थियो ।
बैकले ८६ वटा शाखाहरु, २ वटा एक्स्टेन्सन काउन्टरहरु, ९९ एटिएम लगायत २१ शाखा रहित बैकिङ्ग सेवा मार्फत सेवा प्रदान गर्दै आएको छ ।
