प्रभु बैंकले बाराको अमलेखगञ्जमा एक्स्टेन्सन काउण्टर स्थापना गरेको छ । बैंकले नेपाल आयल निगमको परिसरमा बिरगञ्ज शाखाको एक्स्टेन्सन काउण्टर स्थापना गरेको हो । निगमका क्षेत्रीय प्रमुख प्रदिप कुमार यादवले काउण्टरको उद्घाटन गरेका हुन् ।
काउन्टर उद्घाटन गर्दै क्षेत्रीय प्रमुख यादवले पेट्रोलियम पदार्थको कारोबार गर्ने डिलर्सहरुलाई पेट्रोलियम पदार्थको कारोबार गर्न सहज हुने बताए । बैंकका प्रमुख कार्यकारी अधिकृत अशोक शेरचनले अमलेखगञ्जस्थित नेपाल आयल निगमको ईन्धन डिपोेसँग कारोबार गर्ने पेट्रोलियम व्यवसायीहरुको सुविधालाई मध्येनजर गरी बैंकले एक्स्टेन्सन काउण्टर सञ्चालनमा ल्याएको बताए । साथै, अब खातामा निःशुल्क रुपमा रकम जम्मा गरी पेट्रोलियम पदार्थको कारोबार गर्न सकिने व्यवस्था बैंकले मिलाएको पनि उनले बताए ।