ग्लोबल आइएमई बैंकले साना तथा मझौला व्यवसायीलाई ३ दिन भित्र कर्जा उपलब्ध गराउने भएको छ । साना तथा मझौला उद्यमी व्यवसायीहरुलाई हौसला र साथ प्रदान गर्दै उत्पादनमा बृद्धि गर्ने उद्देश्यले बैंकले कर्जा लिने समयावधि घटाएको जनाएको छ ।
कागजातहरु पेश गरेको ३ दिन भित्र विना झन्झट कर्जा दिने बैंकले जनाएको छ । बैंकका १४१ वटा शाखाहरु मार्फत ५ लाख देखि ६ करोडसम्म यस्तो ऋण दिईने बैंकले जनाएको हो ।
बैंकका अनुसार नयाँ व्यवसाय सुरु गर्न र पुराना व्यवसाय विस्तार गर्न पनि यस्तो प्रकारको कर्जा दिइने छ।
