एनएमबि बैंक NMB Bank Limited भिसाको एक मुख्य सदस्य बैंक बनेको छ । भिसा वल्र्डवाइडसँग सम्झौता गरी एनएमबि नेपालका सीमित बैंकहरूमध्ये भिसाको एक मुख्य सदस्य बैंक बनेको हो ।
यस संगै बैंकलाई विभिन्न क्षेत्रमा भुक्तानी प्रणाली स्वीकार गर्नका नयाँ अवसर खुल्ने बैंकले जनाएको छ । यस पश्चात बैंकका ग्राहकहरूले भिसा भुक्तानीका विकल्पहरूको पहुँच प्राप्त गर्ने बैंकले विश्वास लिएको छ ।
यो साझेदारीले बैंक र भिसालाई देशैभरि भिसाको स्वीकार्यता विस्तार गर्न अवसर प्रदान गर्नेछ बैंकले जनाएको छ । त्यस्तै यसले प्रत्यक्ष तथा अप्रत्यक्ष रूपमा भिजिट नेपाल २०२० अभियानमा स्विफ्ट भुक्तानी प्रक्रियामार्फत सहयोग पुग्ने बैंकले विश्वास लिएको छ । एनएमबी बैक र भिसाले भुक्तानी क्षेत्रमा सन् २०१२ देखि नै साझेदारी गर्दै आएका छन् ।
हाल एनएमबी बैंकको देशैभरि १६३ शाखाहरू, १२८ एटीएम र ५ एक्सटेन्सन काउन्टरहरूको सञ्जाल रहेको छ ।