नेपाल राष्ट्र बैंकले कोभिड १९ को जोखिम ब्यबस्थापनको लागि कार्ययोजना तयार पारेको छ । राष्ट्र बैंकले 'कोभिड १९ संक्रमण जोखिमको ब्यबस्थापन र बैंकको सेवा सुचारु राख्ने कार्ययोजना' पारित गरेको हो ।
कार्ययोजनामा कोरोना जोखिम ब्यबस्थापन कसरी, कर्मचारी वा संचालकलाई संक्रमण देखिए के गर्ने लगायत विषय छन् ।
जसमा कर्मचारी वा संचालकलाई संक्रमण भए अस्पताल वा होटेलमा आईसोलेसनमा राखिने भएको छ । यसको खर्च भने बैंकले नै बेहोर्ने छ । उनीहरुको सम्पर्कमा आएकाहरुलाई पनि आईसोलेसनमा राखिने भएको छ । त्यस अवधिमा उनीहरुले बिना भत्ताको काज र क्वारेन्टाइनमा बस्दा वर्क फ्रम होमको सुविधा पाउने छन् ।
राष्ट बैंकले कार्ययोजना लागु गर्न सम्पूर्ण विभाग, कार्यालय, महाशाखा र इकाईलाई पत्राचार गरेको छ ।