माछापुच्छ्रे बैंकको प्रमुख कार्यकारी अधिकृतमा सन्तोष कोइराला नियुक्त भएका छन। बैंकको आज बसेको संचालक समितिको बैठकले कोइरालालाई बैशाख १ देखि लागू हुने गरि आगामी ४ बर्षको लागि सीईओ नियुक्त गरेको बैंकका एक संचालकले जनाए।
सुमन शर्माले सीईओ पद छाडेपछि कोइरालालाई कामु प्रमुख कार्यकारी अधिकृतको जिम्मेवारी दिइएको थियो। ७ वर्ष अगाडी माछापुच्छ्रे आएका कोइराला दुई वर्षदेखि नायव प्रमुख कार्यकारी थिए। २१ वर्षको बैंकिङ अनुभव रहेका कोइराला यस अगाडी बैंक अफ काठमाण्डू र सानिमा बैंकमा काम गरेका थिए ।