स्ट्यान्डर्ड चार्टड बैंक नेपाल लिमिटेड Standard Chartered Bank Nepal Limited ले गत आर्थिक बर्षको लाभांश घोषणा गरेको छ । बैंकले आर्थिक बर्ष २०७६७७ को मुनाफाबाट ७ प्रतिशत बोनस र कर प्रयोजन सहित ४.८४ प्रतिशत नगद गरि ११ .८४ प्रतिशत लाभांश प्रस्ताव गरेको हो ।
बैंकको कात्तिक १३ गते बसेको ४०३ औं संचालक समितिको बैठकले उक्त लाभांश प्रस्ताव गरेको बैंकले जनाएको छ । उक्त प्रस्तावित लाभांश नेपाल राष्ट्र बैंक र बैंकको आगामी बार्षिक साधारण सभाले पारित गरे पश्चात सेयरधनीहरुमा वितरण हुनेछ ।
बैंकको चुक्ता पुंजी ८ अर्ब १ करोड रहेको छ भने बैंकले गत आर्थिक बर्ष १ अर्ब ९८ करोड मुनाफा आर्जन गरेको थियो ।