चिसो बढेपछि कैलालीको धनगढी उपमहानगरपालिकाले विद्यालय बन्द गर्ने निर्णय गरेको छ । बिहीबार बिहान बसेको बैठकपछि उपमहानगरपालिकाले वर्षे र हिउँदे बिदाबाट मिलान हुने गरी बिहीबार र शुक्रबार दुई दिन विद्यालय बन्द गर्ने निर्णय गरेको हो ।
उपमहानगरपालिकाका निमित्त प्रमुख प्रशासकीय अधिकृत विष्णुप्रसाद कोइरालाका अनुसार चिसो अत्याधिक बढेपछि उपमहानगरपालिकाभित्रका सामुदायिक र संस्थागत विद्यालय बन्द गर्ने निर्णय गरिएको हो ।
