सरकारले विकास बजेट खर्च गर्न नसक्दाको असर निर्माण क्षेत्रमा परेको छ । निर्माण व्यवसायी, निर्माण सागम्री उत्पादन गर्ने उद्योगीहरु बजेट खर्च नहुँदाको असर आफ्नो क्षेत्रमा परेको गुनासो गर्छन् ।
भूकम्पपछिको पुननिर्माण, विकासे आयोजना, राष्ट्रिय गौरवका परियोजनाहरु लगायतमा सरकारले छुट्याएको बजेट कार्यान्वयन (खर्च) हुन नसक्दा सिमेन्ट तथा छडको व्यापार सुस्ताएको छ । दुई वर्ष अघिसम्म भूकम्पले भत्काएका निजी आवास तथा सरकारी भवन, स्वास्थ्य संस्था र विद्यालयको पुननिर्माणका लागि सिमेन्ट र डण्डीको माग बढेको थियो । तर अहिले भूकम्पले भत्किएका आवासहरु तुलनात्मक रुपमा निर्माण सकिने क्रममा रहेका कारण निर्माण सामग्रीको बजार माग घटेको छ ।
उद्योगीलाई कर्जाको ब्याज तिर्नै सकस
चालु आर्थिक वर्षको अर्धवार्षिक अवधिमा संघिय सरकाको पुँजीगत खर्च १३.४२ प्रतिशत मात्रै भएको छ भने कुल बजेट खर्च पनि २५.८१ प्रतिशत मात्रै भएको छ । चालु आर्थिक वर्षका लागि ४ खर्ब ८ अर्बको पुँजीगत खर्च छुट्याएको सरकारले ६ महिनामा ५० अर्ब ७५ करोड मात्रै खर्च गरेको छ । निर्माण सामग्री उत्पादन गर्ने उद्योगीहरु सरकारको पुवार्धार निमार्णमा तीव्र गतिका साथ काम नगर्दाको परिणामले बजेट खर्च हुन नसकेको र बजेट खर्च नहुँदाको असर उद्योगमा परेको बताउँछन् ।
राष्ट्र बैंकका अनुसार चालु आर्थिक वर्षको पाँच महिनामा कुल वस्तु आयात ४.२ प्रतिशतले घटेर ५८१ अर्ब २६ करोड कायम भएको छ । आयात घटेका बस्तुहरुमा एम.एस. बिलेट, पेट्रोलियम पदार्थ, सुन, यातायातका साधन तथा पार्टपूर्जा, सिमेन्ट लगायत छन् ।
यसअघिः
