जापानमा मंगलबार शक्तिशाली भूकम्प गएको छ । नेपाली समय अनुसार आज बिहान पौने तीन बजे जापानको उत्तरपूर्वी प्रान्त फुकुशिमा केन्द्रविन्दु भएर ६ दशमलव ९ रेक्टर स्केलको भूकम्प गएको हो ।
भूकम्पसंगै १ मिटरसम्मको सुनामी पनि गएको छ । जापानको मौसम विभागले अझै तीन मिटर अग्लो समुद्री छाल आउन सक्ने भन्दा तटीय क्षेत्रका बासिन्दालाई सुरक्षित स्थानमा जान आग्रह गरेको छ ।
अहिलेसम्म भूकम्पका कारण भौतिक तथा मानवीय भएको खबर नआएको जापानको सरकारी सञ्चारमाध्यम एनएचकेले जनाएको छ । अमेरिकी भूगर्भ विभागले सुरुमा ७ दशमलव ३ रेक्टरको भूकम्प आएको जनाएको थियो । तर पछि ६ दशमलव ९ रेक्टरको रहेको बताएको हो ।
